Rayon sports yasinyishije Rutahizamu mushya

Rayon Sports yasinyishije rutahizamu w’Umunyatogo Antonio Atisso Kodjo wari umaze gusoza shampiyona ya Benin Ligue 1 ari uwatsinze ibitego byinshi n’ibitego 16 mu mikino 28, ikaba yamusinyishije amasezerano azageza mu 2028. Amakuru dukesha igitangazamakuru cyo mu gihugu cya Benin Agence Bénin Presse, agaragaza ko Kodjo yakiniye Damissa FC, aho yagaragaje ubuhanga mu busatirizi atanga imipira ivamo ibitego irenga 7 ndetse akanatsinda ibitego 16 mu mwaka umwe, bikamushyira mu bakinnyi bitwaye neza muri iryo rushanwa. Yamenyekanye nk’umukinnyi ukina ku mpande wihuta, uca ku bakinnyi kandi uzi k

Rayon Sports yasinyishije rutahizamu w’Umunyatogo Antonio Atisso Kodjo wari umaze gusoza shampiyona ya Benin Ligue 1 ari uwatsinze ibitego byinshi n’ibitego 16 mu mikino 28, ikaba yamusinyishije amasezerano azageza mu 2028. Amakuru dukesha igitangazamakuru cyo mu gihugu cya Benin Agence Bénin Presse, agaragaza ko Kodjo yakiniye Damissa FC, aho yagaragaje ubuhanga mu busatirizi atanga imipira ivamo ibitego irenga 7 ndetse akanatsinda ibitego 16 mu mwaka umwe, bikamushyira mu bakinnyi bitwaye neza muri iryo rushanwa. Yamenyekanye nk’umukinnyi ukina ku mpande wihuta, uca ku bakinnyi kandi uzi kurangiza neza amahirwe yo gutsinda. Nta makuru yemejwe agaragaza ko yitabiriye CAF Confederation Cup cyangwa andi marushanwa y’amakipe ya CAF mu rugendo rwe rwa vuba. Mbere yo gukina muri Benin, yakiniye amakipe yo muri Togo mu cyiciro cya mbere, aho yavuye mu makipe y’urubyiruko akagera mu ikipe nkuru. Yigeze no guhamagarwa mu ikipe y’igihugu y’abato ya Togo, aho yitabiriye amarushanwa y’akarere. Rayon Sports yatangaje ko yizeye ko azongerera imbaraga ubusatirizi bw’ikipe no kuyifasha mu marushanwa yo mu Rwanda no hanze yarwo, kandi ko azahita atangira imyitozo mu minsi ya vuba.

Muri shampiyona ya Benin Ligue 1 niwe watsinze ibitego byinshi

Rayon sports yamaze kumutangaza