Shampiyona y'Icyiciro cya Mbere muri Basketball mu Rwanda (Rwanda Basketball League) ikomeje kugana ku musozo w'imikino yo kwishyura (Second Round), aho buri kipe iri guhatanira kurangiza mu myanya myiza kugira ngo ibone itike ya kamarampaka (Playoffs). Muri iyi mpera z'icyumweru, abakunzi ba Basketball bazerekeza amaso kuri Petit Stade i Remera, ahateganyijwe imikino ikomeye ishobora kugira uruhare rukomeye ku rutonde rw'agateganyo rwa shampiyona. APR BBC ishaka gukomeza gusatira patriot Kuri uyu wa Gatanu, tariki ya 10 Nyakanga 2026, hateganyijwe imikino ibiri. Saa 18:30, Inspired Generat

Shampiyona y'Icyiciro cya Mbere muri Basketball mu Rwanda (Rwanda Basketball League) ikomeje kugana ku musozo w'imikino yo kwishyura (Second Round), aho buri kipe iri guhatanira kurangiza mu myanya myiza kugira ngo ibone itike ya kamarampaka (Playoffs). Muri iyi mpera z'icyumweru, abakunzi ba Basketball bazerekeza amaso kuri Petit Stade i Remera, ahateganyijwe imikino ikomeye ishobora kugira uruhare rukomeye ku rutonde rw'agateganyo rwa shampiyona.

APR BBC ishaka gukomeza gusatira patriot

Kuri uyu wa Gatanu, tariki ya 10 Nyakanga 2026, hateganyijwe imikino ibiri. Saa 18:30, Inspired Generation, ari na yo kipe rukumbi itarabona intsinzi muri uyu mwaka w'imikino, iracakirana na APR BBC ikomeje guhatanira gukomeza kwegera umwanya wa mbere ku rutonde rwa shampiyona. Saa 21:00, Kepler BBC irahura na RSSB Tigers BBC ifite igikombe cya Afurika gihuza amakipe yabaye aya mbere iwayo mu mukino utegerejwe cyane, aho aya makipe yombi ashaka kwisanga mu myanya ine ya mbere izabemerera gukina imikino ya kamarampaka.

REG na Patriots kuri cyumweru mu mukino witezwe cyane na benshi

Ku Cyumweru, tariki ya 12 Nyakanga 2026, hazakinwa indi mikino itatu ishobora guhindura byinshi ku rutonde rwa shampiyona. Saa 15:30, Kepler BBC izahura na East African University Rwanda BBC (EAUR BBC), mu gihe saa 18:00 RSSB Tigers BBC izacakirana na UGB BBC. Umukino utegerejwe kurusha indi yose uzatangira saa 20:30, uhuze REG BBC na Patriots BBC, amakipe abiri akunze guhangana bikomeye mu myaka yashize. Mu mukino ubanza wahuje aya makipe muri shampiyona y'uyu mwaka, Patriots BBC yatsinze REG BBC amanota 85-78, ikomeza kwerekana imbaraga zayo. Kugeza ubu kandi, Patriots BBC ni yo kipe rukumbi itaratsindwa umukino n'umwe muri shampiyona, ibintu bituma yinjira muri uyu mukino ifite icyizere cyo gukomeza uyu mwihariko

Uko amakipe ahagaze ku rutonde 

Patriots BBC ni yo iyoboye urutonde n'amanota 25, ikurikiwe na APR BBC ifite amanota 23, inganya na REG BBC. UGB BBC iri ku mwanya wa kane n'amanota 21, mu gihe EAUR BBC iri ku mwanya wa gatanu n'amanota 19. RSSB Tigers BBC, Kepler BBC na Azomco BBC zose zifite amanota 18, ibintu bituma urugamba rwo kwinjira mu myanya ine(4) ya mbere rukomeza gukomera. Inspired Generation ni yo iri ku mwanya wa nyuma n'amanota 15, nyuma yo gutsindwa imikino yose imaze gukina muri uyu mwaka wa shampiyona.

Ibiciro byo kwinjira

Abazakurikira iyi mikino izabera muri Petit Stade i Remera bazishyura amafaranga akurikira: Regular: 3,000 Frw Courtside: 10,000 Frw Front Row: 15,000 Frw

Imikino ibiri itegerejwe kuruyu wa Gatanu muri petit stade

Imikino itegereje kuriki cyumweru uko ari itatu(3) yose ikaba izabera I Remera Petit Stade

A little more informed. A little more connected.