RSSB Tigers yanditse amateka: Ikipe ya mbere y’u Rwanda igeze ku mukino wa nyuma wa BAL

Ikipe ya RSSB Tigers yanditse amateka mashya muri Basketball Africa League (BAL), igera ku mukino wa nyuma ku nshuro ya mbere mu mateka yayo, ndetse inaba n’ikipe ya mbere yo mu Rwanda igeze ku mukino wa nyuma wa BAL, nyuma yo gutsinda Al Ahly SC yo mu Misiri amanota 106-97 mu mukino wa ½ cy’irangiza wabereye muri BK Arena. Abakinnyi bitwaye neza ku ruhande rwa RSSB Tigers: Leonard Craig Randall ni we wabaye inkingi ya mwamba y’iyi ntsinzi, atsinda amanota 30 ndetse anatanga imipira itanu yavuyemo amanota (assists), agaragaza ubuhanga budasanzwe mu kuyobora umukino. Oumar Ballo na we yagize

Ikipe ya RSSB Tigers yanditse amateka mashya muri Basketball Africa League (BAL), igera ku mukino wa nyuma ku nshuro ya mbere mu mateka yayo, ndetse inaba n’ikipe ya mbere yo mu Rwanda igeze ku mukino wa nyuma wa BAL, nyuma yo gutsinda Al Ahly SC yo mu Misiri amanota 106-97 mu mukino wa ½ cy’irangiza wabereye muri BK Arena. Abakinnyi bitwaye neza ku ruhande rwa RSSB Tigers: Leonard Craig Randall ni we wabaye inkingi ya mwamba y’iyi ntsinzi, atsinda amanota 30 ndetse anatanga imipira itanu yavuyemo amanota (assists), agaragaza ubuhanga budasanzwe mu kuyobora umukino. Oumar Ballo na we yagize uruhare rukomeye mu mukino cyane  munsi y’inkangara, atsinda amanota 20 ndetse anakora rebounds 17. Teafale Lenard Jr wari uvuye mu mvune, yagarutse neza, atsinda  amanota 19 afata  rebounds 7. Ku ruhande rwa Al Ahly SC: Zachary Matthew Lofton ni we watsinze amanota menshi ku ruhande rwayo no mu mukino wose, aho yatsinze amanota  36 anatanga n’imipira itanu(5) yavuyemo amanota. Kevin Murphy yatsinze amanota 24, mu gihe Nuni Omot yasoje umukino afite amanota 16 hamwe na rebounds 7, ariko ntibyari bihagije ngo bahangane n’imbaraga za RSSB Tigers. Iyi ntsinzi yatumye RSSB Tigers igera ku mukino wa nyuma wa BAL ku nshuro ya mbere mu mateka, aho izahura n’ikipe iraza kuva  hagati ya Al Ahli SC (Libya) na Petro de Luanda yo muri Angola. Uyu mukino wa ½ wa kabiri uteganyijwe gukinwa kuri uyu wa Kane saa 19:00 muri BK Arena, ukazakugena ikipe izahura na RSSB Tigers ku mukino wa nyuma.