RSSB Tigers yatangiye nabi urugendo rwayo muri FIBA Intercontinental Cup

RSSB Tigers yatangiye urugendo rwayo muri FIBA Intercontinental Cup itsindwa na Rytas Vilnius yo muri Lithuania amanota 107-89, mu mukino wabereye i Beijing mu Bushinwa kuri uyu wa Kabiri, tariki ya 22 Nzeri 2026. Ni umukino watanze amateka mashya ku basketball yo mu Rwanda, kuko RSSB Tigers yabaye ikipe ya mbere yo mu gihugu yitabiriye iri rushanwa mpuzamigabane rihuza amakipe yitwaye neza ku migabane yayo. Rytas Vilnius ni yo yatangiye umukino neza, itsinda agace ka mbere 22-19. RSSB Tigers yaje kongera imbaraga mu gace ka kabiri, ndetse igera aho iyobora umukino ku kinyuranyo cy’amanota a

RSSB Tigers yatangiye urugendo rwayo muri FIBA Intercontinental Cup itsindwa na Rytas Vilnius yo muri Lithuania amanota 107-89, mu mukino wabereye i Beijing mu Bushinwa kuri uyu wa Kabiri, tariki ya 22 Nzeri 2026. Ni umukino watanze amateka mashya ku basketball yo mu Rwanda, kuko RSSB Tigers yabaye ikipe ya mbere yo mu gihugu yitabiriye iri rushanwa mpuzamigabane rihuza amakipe yitwaye neza ku migabane yayo. Rytas Vilnius ni yo yatangiye umukino neza, itsinda agace ka mbere 22-19. RSSB Tigers yaje kongera imbaraga mu gace ka kabiri, ndetse igera aho iyobora umukino ku kinyuranyo cy’amanota arindwi, ariko ikipe yo muri Lithuania iragaruka, ijya mu kiruhuko iyoboye 44-39. Nyuma y’akaruhuko, Rytas Vilnius yakomeje kongera umuvuduko, itandukanya amanota ku buryo bugaragara. Agace ka gatatu karangiye iyoboye 79-59. RSSB Tigers yatsinze agace ka nyuma 30-28, ariko ntibyabashije gukuraho ikinyuranyo cyari cyamaze gushyirwaho, maze Rytas Vilnius yegukana umukino 107-89. RSSB Tigers irongera gukina ku wa 23 Nzeri 2026, ihura na Shanghai Sharks yo mu Bushinwa.