RSSB Tigers yatsinze Shanghai Sharks amanota 117-115 mu minota y’inyongera, itsinda umukino wayo wa mbere muri FIBA Intercontinental Cup 2026 iri kubera i Beijing mu Bushinwa. Shanghai Sharks yatangiye umukino neza, ndetse iza kugera imbere n’amanota 19. RSSB Tigers ntiyigeze irekura umukino, igenda igabanya ikinyuranyo kugeza ubwo Craig Randall II yatsinze amanota atatu hasigaye amasegonda 10, amakipe anganya 103-103 nyuma y’iminota 40 isanzwe. Mu minota itanu y’inyongera, Tigers yaje kongera kuyobora 115-111 hasigaye amasegonda 37, ariko Shanghai Sharks iragaruka irangana. Hasigaye amasego

RSSB Tigers yatsinze Shanghai Sharks amanota 117-115 mu minota y’inyongera, itsinda umukino wayo wa mbere muri FIBA Intercontinental Cup 2026 iri kubera i Beijing mu Bushinwa. Shanghai Sharks yatangiye umukino neza, ndetse iza kugera imbere n’amanota 19. RSSB Tigers ntiyigeze irekura umukino, igenda igabanya ikinyuranyo kugeza ubwo Craig Randall II yatsinze amanota atatu hasigaye amasegonda 10, amakipe anganya 103-103 nyuma y’iminota 40 isanzwe. Mu minota itanu y’inyongera, Tigers yaje kongera kuyobora 115-111 hasigaye amasegonda 37, ariko Shanghai Sharks iragaruka irangana. Hasigaye amasegonda ane, Antino Jackson Jr yatsinze penaliti ebyiri zisubiza Tigers imbere 117-115. Shanghai yabonye amahirwe yo kunganya, ariko ishoti rya nyuma ntiryinjiye. Craig Randall II ni we watsinze amanota menshi kuri Tigers, agira 30, Tyler Bey atsinda 19, Osborn Shema 16 na Ntore Habimana 15. Teafale Lenard Jr na Jackson Jr buri umwe yatsinze 12. Iyi ntsinzi yatumye RSSB Tigers igira intsinzi imwe n’igihombo kimwe mu itsinda, ikomeza kugira amahirwe yo kugera muri ½ cy’irangiza.

A little more informed. A little more connected.