Ikipe y’Igihugu ya Scotland yanditse amateka mashya nyuma yo kubona itike y’Igikombe cy’Isi cya 2026, ibintu byatumye Banki ya Scotland isohora inoti yihariye ya £20 iriho ishusho ya Scott McTominay. Scotland yaherukaga gukina Igikombe cy’Isi mu 1998 cyabereye mu Bufaransa. Nyuma y’imyaka 28 itarabasha kongera kubona itike, iyi ntsinzi yakiriwe nk’amateka akomeye ku bakinnyi n’abafana bayo bazwi nka “Tartan Army”. Iyi noti nshya igaragaza McTominay, usanzwe akinira Napoli yo mu Butaliyani, atsinda igitego cya “bicycle kick” mu mukino Scotland yatsinzemo Denmark ibitego 4-2, ari na wo wayihes

Ikipe y’Igihugu ya Scotland yanditse amateka mashya nyuma yo kubona itike y’Igikombe cy’Isi cya 2026, ibintu byatumye Banki ya Scotland isohora inoti yihariye ya £20 iriho ishusho ya Scott McTominay. Scotland yaherukaga gukina Igikombe cy’Isi mu 1998 cyabereye mu Bufaransa. Nyuma y’imyaka 28 itarabasha kongera kubona itike, iyi ntsinzi yakiriwe nk’amateka akomeye ku bakinnyi n’abafana bayo bazwi nka “Tartan Army”. Iyi noti nshya igaragaza McTominay, usanzwe akinira Napoli yo mu Butaliyani, atsinda igitego cya “bicycle kick” mu mukino Scotland yatsinzemo Denmark ibitego 4-2, ari na wo wayihesheje itike yo kuzitabira Igikombe cy’Isi kizabera muri Leta Zunze Ubumwe za Amerika, Canada na Mexique mu 2026. Banki ya Scotland yatangaje ko izi noti zasohowe mu rwego rwo kwizihiza uru rugendo rw’amateka rwagejeje Scotland mu Gikombe cy’Isi nyuma y’igihe kinini. Hateganyijwe gucapwa inoti 100 gusa, ibintu biyigira imwe mu mpano zidasanzwe zizifuzwa n’abakusanya ibintu by’amateka ndetse n’abakunzi b’umupira w’amaguru. Muri izo noti, 50 zizagurishwa binyuze muri cyamunara, mu gihe izindi zizaboneka binyuze muri tombola no mu maduka y’igihe gito yafunguwe mu mijyi ya Edinburgh na Glasgow. McTominay yavuze ko gushyirwa ku noti y’igihugu ari icyubahiro gikomeye kuri we no ku muryango we. Yagize ati: “Gukina Igikombe cy’Isi ni inzozi za buri mukinnyi. Nzi neza icyo bivuze ku bafana ba Scotland. Kuba igitego cyanjye cyaratoranyijwe kigashyirwa ku noti y’igihugu ni ibintu by’umwihariko kandi by’icyubahiro gikomeye kuri njye.” Icyemezo cya Banki ya Scotland cyo gushyira Scott McTominay ku noti ya £20 cyagaragaje uruhare rukomeye yagize muri aya mateka, ndetse kiba kimwe mu bimenyetso by’icyubahiro bikomeye umukinnyi ashobora guhabwa.

A little more informed. A little more connected.