Shema Fabrice yeguye ku buyobozi bwa FERWAFA

Shema Ngoga Fabrice yeguye ku mwanya wa Perezida w’Ishyirahamwe ry’Umupira w’Amaguru mu Rwanda (FERWAFA) ku wa 30 Nzeri 2026, avuga ko icyemezo cye gifitanye isano n’ikibazo cy’ubunyangamugayo kimureba ku giti cye . Shema yabitangaje mu ibaruwa yoherereje abagize Inteko Rusange ya FERWAFA, avuga ko ubwegure bwe buhita butangira gukurikizwa. Yasobanuye ko yafashe iki cyemezo mu rwego rwo kurinda icyizere abantu bafitiye FERWAFA, kubahiriza amahame y’imiyoborere myiza no gutuma inzego bireba zikomeza inshingano zazo nta gihungabana. Shema kandi yavuze ko ubwegure bwe budakwiye gusobanurwa bir

Shema Ngoga Fabrice yeguye ku mwanya wa Perezida w’Ishyirahamwe ry’Umupira w’Amaguru mu Rwanda (FERWAFA) ku wa 30 Nzeri 2026, avuga ko icyemezo cye gifitanye isano n’ikibazo cy’ubunyangamugayo kimureba ku giti cye. Shema yabitangaje mu ibaruwa yoherereje abagize Inteko Rusange ya FERWAFA, avuga ko ubwegure bwe buhita butangira gukurikizwa. Yasobanuye ko yafashe iki cyemezo mu rwego rwo kurinda icyizere abantu bafitiye FERWAFA, kubahiriza amahame y’imiyoborere myiza no gutuma inzego bireba zikomeza inshingano zazo nta gihungabana. Shema kandi yavuze ko ubwegure bwe budakwiye gusobanurwa birenze ibyagaragajwe n’inzego zibifitiye ububasha. Yongeye gushimangira ko ashyigikiye uburyozwe, gukorera mu mucyo n’imiyoborere myiza mu mupira w’u Rwanda. Ku wa 22 Nzeri 2026, Urukiko rw’Ibanze rwa Nyarugenge rwemeje amasezerano y’ubwumvikane hagati ya Shema n’Ubushinjacyaha. Yakatiwe igifungo cy’amezi atandatu gisubitse mu gihe cy’umwaka umwe, anacibwa ihazabu ya miliyoni eshatu z’amafaranga y’u Rwanda. Shema yari yaratorewe kuyobora FERWAFA ku wa 30 Kanama 2025, asimbura Alphonse Munyantwali. Mu ibaruwa ye y’ubwegure, yavuze ko azafasha mu ihererekanya ry’inshingano kugira ngo ibikorwa bya FERWAFA bikomeze nta nkomyi.

>Shema Fabrice yeguye ku buyobozi bwa FERWAFA yaramazeho amezi 13