Umunya-Slovenia Tadej Pogačar yongeye kwerekana ko ari uwo guhangwa amaso muri Tour de France y’uyu mwaka wa 2026, nyuma yo kwegukana agace ka gatatu (Stage 3) ku wa Mbere, agahita yambura Jonas Vingegaard umwambaro w’umuhondo (Maillot Jaune). Aka gace kari gafite intera y’ibilometero 196, kahagurutse i Granollers muri Espagne kagasorezwa i Les Angles mu misozi ya Pyrénées mu Bufaransa. Aka ni ko gace ka mbere kiri siganwa kagaragayemo kuzamuka gukomeye cyane, ari na ho Pogačar yakunze kwerekana imbaraga zidasanzwe. Pogačar, ukinira ikipe ya UAE Emirates-XRG, yihagazeho mu kuzamuka kwa nyuma

Umunya-Slovenia Tadej Pogačar yongeye kwerekana ko ari uwo guhangwa amaso muri Tour de France y’uyu mwaka wa 2026, nyuma yo kwegukana agace ka gatatu (Stage 3) ku wa Mbere, agahita yambura Jonas Vingegaard umwambaro w’umuhondo (Maillot Jaune). Aka gace kari gafite intera y’ibilometero 196, kahagurutse i Granollers muri Espagne kagasorezwa i Les Angles mu misozi ya Pyrénées mu Bufaransa. Aka ni ko gace ka mbere kiri siganwa kagaragayemo kuzamuka gukomeye cyane, ari na ho Pogačar yakunze kwerekana imbaraga zidasanzwe. Pogačar, ukinira ikipe ya UAE Emirates-XRG, yihagazeho mu kuzamuka kwa nyuma, asiga abo bahatanaga hasigaye metero zigera kuri 200 ngo basoze, maze yambuka umurongo wa nyuma wenyine. Yakurikiwe na Jonas Vingegaard, Richard Carapaz na Paul Seixas, bose bageze ku murongo wa nyuma batinzeho amasegonda abiri. Uretse intsinzi y'ako gace, Pogačar yanabonye amasegonda 10 y'inyongera, mu gihe Vingegaard yahawe atandatu. Nubwo bombi banganya ibihe muri rusange, Pogačar yahise yambara umwambaro w'umuhondo kubera intsinzi y'uyu munsi ndetse n'uko yari yabaye uwa kabiri mu gace ka kabiri. Ni intsinzi 22 ya Pogačar mu duce twa Tour de France, ndetse iba iya 14 amaze kubona muri uyu mwaka wa 2026. Muri uyu mwaka kandi yegukanye amarushanwa akomeye arimo Tour de Suisse, Tour de Romandie, Liège–Bastogne–Liège, Tour of Flanders, Milan–San Remo na Strade Bianche. Uyu mukinnyi w'imyaka 27 ari guhatanira kwegukana Tour de France ku nshuro ya gatanu, ibintu byamushyira ku rwego rumwe n'ibihangange by'uyu mukino byigeze gutwara iri siganwa inshuro eshanu. Ku ruhande rwa Vingegaard, wegukanye Tour de France mu 2022 no mu 2023, yari yambaye umwambaro w'umuhondo nyuma yo gufasha ikipe ye ya Visma-Lease a Bike gutsinda isiganwa ryo ku munsi wa mbere. Mbere y'uko iri siganwa ryinjira mu Bufaransa, abategura Tour de France bari bafashe ingamba zidasanzwe kubera inkongi y'umuriro yari hafi y'aho abasiganwa banyura. Imodoka zisanzwe z'amatangazo zibanziriza isiganwa ntizemerewe gukomeza, ndetse abafana basabwe kutegerana ku muhanda no hafi y'umusozo w'agace.

A little more informed. A little more connected.