Impuzamashyirahamwe y'Umupira w'Amaguru muri Afurika y'Iburasirazuba n'iyo Hagati CECAFA yatangaje ko ikipe ya Tusker FC yo muri Kenya yasimbuye El Merriekh SC yo muri Sudani mu makipe azitabira CECAFA Kagame Cup 2026, nyuma y'uko iyi kipe yo muri Sudani yikuye muri iri rushanwa bitewe n'itinda ryo kurangiza shampiyona yayo y'imbere mu gihugu . Mu itangazo ryashyizwe ahagaragara na CECAFA, Umuyobozi ushinzwe amarushanwa, Yusuf Mossi, yavuze ko kwinjira kwa Tusker FC ari intambwe nziza kuko ari yo yegukanye FKF Cup 2026 ndetse ikaba izahagararira Kenya muri CAF Confederation Cup 2026/2027, bit

Impuzamashyirahamwe y'Umupira w'Amaguru muri Afurika y'Iburasirazuba n'iyo Hagati CECAFA yatangaje ko ikipe ya Tusker FC yo muri Kenya yasimbuye El Merriekh SC yo muri Sudani mu makipe azitabira CECAFA Kagame Cup 2026, nyuma y'uko iyi kipe yo muri Sudani yikuye muri iri rushanwa bitewe n'itinda ryo kurangiza shampiyona yayo y'imbere mu gihugu. Mu itangazo ryashyizwe ahagaragara na CECAFA, Umuyobozi ushinzwe amarushanwa, Yusuf Mossi, yavuze ko kwinjira kwa Tusker FC ari intambwe nziza kuko ari yo yegukanye FKF Cup 2026 ndetse ikaba izahagararira Kenya muri CAF Confederation Cup 2026/2027, bityo CECAFA ikizera ko izatanga amarushanwa arushijeho guhangana. Irushanwa rya CECAFA Kagame Cup 2026 rizabera i Kigali kuva ku wa 24 Nyakanga kugeza ku wa 7 Kanama 2026, rikazahuza amakipe 12 yo mu karere. CECAFA kandi yatangaje ko tombola y'iri rushanwa izabera ku wa Gatanu mu cyumba cy'itangazamakuru cya Stade Amahoro, guhera saa yine za mu gitondo ku isaha y'u Rwanda.

Tusker fc yasimbuye El Merrikh muri CECAFA Kagame Cup 2026

A little more informed. A little more connected.