U Rwanda rwongeye kwandika amateka muri World Para Athletics Grand Prix 2026 yabereye muri Tunisia

U Rwanda rwongeye kwerekana ubudasa mu mikino ngororamubiri y’abafite ubumuga nyuma yo kwegukana imidari ibiri ya zahabu mu marushanwa ya World Para Athletics Grand Prix yabereye i Tunis kuva tariki ya 16 kugeza ku ya 18 Kamena.  Mu byiciro bitandukanye by’aya marushanwa ahuza abakinnyi baturutse hirya no hino ku isi, Emmanuel Niyibizi yegukanye umudari wa zahabu mu gusiganwa metero 400 nyuma yo kwitwara neza no kurangiza ku mwanya wa mbere. Uyu mukinnyi yerekanye ubuhanga n’umuvuduko byamufashije guhesha u Rwanda intsinzi ikomeye. Undi mukinnyi wahesheje ishema igihugu ni Clementine Uwiduha

URwanda rwongeye kwerekana ubudasa mu mikino ngororamubiri y’abafite ubumuga nyuma yo kwegukana imidari ibiri ya zahabu mu marushanwa ya World Para Athletics Grand Prix yabereye i Tunis kuva tariki ya 16 kugeza ku ya 18 Kamena. 

Mu byiciro bitandukanye by’aya marushanwa ahuza abakinnyi baturutse hirya no hino ku isi, Emmanuel Niyibizi yegukanye umudari wa zahabu mu gusiganwa metero 400 nyuma yo kwitwara neza no kurangiza ku mwanya wa mbere. Uyu mukinnyi yerekanye ubuhanga n’umuvuduko byamufashije guhesha u Rwanda intsinzi ikomeye. Undi mukinnyi wahesheje ishema igihugu ni Clementine Uwiduhaye, wegukanye na we umudari wa zahabu muri metero 400, nyuma y’uko yari yabanje gutwara umudari wa bronze muri metero 100, agaragaza ko ari umwe mu bakinnyi bafite ejo hazaza heza muri siporo y’abafite ubumuga. Iyi ntsinzi y’u Rwanda ije yiyongera ku zindi rumaze kugeraho mu marushanwa mpuzamahanga, ikaba ikomeje kugaragaza iterambere rya siporo y’abafite ubumuga ndetse n’ubushobozi bw’abakinnyi b’Abanyarwanda bwo guhatana no gutsinda ku rwego rw’isi.