Umunya-Tchad w’imyaka 25, Charles Tchouplaou yasinyiye Rayon Sports avuye muri Afurika y’Epfo

Ikipe ya Rayon Sports yatangaje ko yamaze gusinyisha myugariro wo hagati w’Umunya-Tchad, Charles Tchouplaou, wakiniraga Casric Stars FC yo mu Cyiciro cya Kabiri muri Afurika y’Epfo. Aya makuru yatangajwe n’iyi kipe ibinyujije ku mbuga nkoranyambaga zayo mu ijoro ryo ku wa 9 Kamena 2026, mu rwego rwo gukomeza kwiyubaka yitegura umwaka mushya w’imikino. Tchouplaou w’imyaka 25 y’amavuko aje yiyongera ku bandi bakinnyi Rayon Sports imaze kugura muri iyi mpeshyi. Uyu Munya-Tchad abaye umukinnyi wa gatanu mushya Rayon Sports imaze gutangaza nyuma ya Abbel Matumona Wakonda Kanda wavuye muri Amagaj

Ikipe ya Rayon Sports yatangaje ko yamaze gusinyisha myugariro wo hagati w’Umunya-Tchad, Charles Tchouplaou, wakiniraga Casric Stars FC yo mu Cyiciro cya Kabiri muri Afurika y’Epfo. Aya makuru yatangajwe n’iyi kipe ibinyujije ku mbuga nkoranyambaga zayo mu ijoro ryo ku wa 9 Kamena 2026, mu rwego rwo gukomeza kwiyubaka yitegura umwaka mushya w’imikino. Tchouplaou w’imyaka 25 y’amavuko aje yiyongera ku bandi bakinnyi Rayon Sports imaze kugura muri iyi mpeshyi. Uyu Munya-Tchad abaye umukinnyi wa gatanu mushya Rayon Sports imaze gutangaza nyuma ya Abbel Matumona Wakonda Kanda wavuye muri Amagaju FC, Ndayishimiye Didier wavuye muri AS Kigali, Nshutinziza Didier wavuye muri Gorilla FC na Nisingizwe Christian wavuye muri Mukura Victory Sports. Rayon Sports ikomeje kwiyubaka mu rwego rwo kwitegura amarushanwa atandukanye izitabira mu mwaka w’imikino wa 2026/27, harimo na CAF Confederation Cup. Byitezwe kandi ko Gikundiro izitabira irushanwa rya CECAFA Kagame Cup riteganyijwe kubera mu Rwanda kuva ku wa 18 Nyakanga kugeza ku wa 9 Kanama 2026.