Urukiko rw’Ubujurire rwemeje ko Achraf Hakimi azaburanishwa ku cyaha cyo gufata ku ngufu nyuma yo gutesha agaciro ubujurire bwe

Urukiko rw’Ubujurire rwa Versailles rwemeje kuri uyu wa Gatanu ko myugariro wa Paris Saint-Germain n’ikipe y’Igihugu ya Morocco, Achraf Hakimi, azaburanishwa ku cyaha cyo gufata ku ngufu, nyuma yo gutesha agaciro ubujurire bwe bwari bugamije guhagarika uru rubanza rwatangiye gukorwaho iperereza mu 2023 . Amakuru dukesha ESPN FC agaragaza ko, yifashishije amakuru yaturutse mu nzego z’ubutabera z’u Bufaransa, iki cyemezo gishimangira imyanzuro yari yarafashwe n’abacamanza bakoraga iperereza ku kirego cy’umugore w’imyaka 24 wavuze ko Hakimi yamusambanyije ku gahato iwe mu gace ka Boulogne-Billanc

Urukiko rw’Ubujurire rwa Versailles rwemeje kuri uyu wa Gatanu ko myugariro wa Paris Saint-Germain n’ikipe y’Igihugu ya Morocco, Achraf Hakimi, azaburanishwa ku cyaha cyo gufata ku ngufu, nyuma yo gutesha agaciro ubujurire bwe bwari bugamije guhagarika uru rubanza rwatangiye gukorwaho iperereza mu 2023.

Amakuru dukesha ESPN FC agaragaza ko, yifashishije amakuru yaturutse mu nzego z’ubutabera z’u Bufaransa, iki cyemezo gishimangira imyanzuro yari yarafashwe n’abacamanza bakoraga iperereza ku kirego cy’umugore w’imyaka 24 wavuze ko Hakimi yamusambanyije ku gahato iwe mu gace ka Boulogne-Billancourt hafi ya Paris muri Gashyantare 2023.

Hakimi w’imyaka 27 yakomeje guhakana ibyo aregwa, avuga ko ari ibirego bidafite ishingiro. Abamwunganira mu mategeko bavuga ko dosiye irimo ibyuho, mu gihe ubushinjacyaha bwo bwemeza ko hari ibimenyetso bihagije bituma urubanza ruburanishwa mu mizi.

Uyu mukinnyi wabaye umwe mu nkingi za PSG ndetse akanagira uruhare rukomeye mu ikipe y’Igihugu ya Morocco, aracyafatwa nk’umwere kugeza igihe urukiko ruzafatira umwanzuro wa nyuma kuri ibi birego.