Ikipe y'Igihugu ya Australia yabonye itike ya ¼ nyuma yo gutsinda ikipe y'igihugu ya Denmark ibitego 2-0 mu mukino wa ⅛ mu Gikombe cy'Isi cy'Abari n'Abategarugori kiri kubera muri Australia na New Zealand. Kuri uyu wa Mbere Saa Mbiri n'igice z'ijoro muri Leta ya New South Wales muri Australia, bikaba Saa Sita n'igice za Kigali, kuri Sydney Olympic Stadium habereye umukino wa ⅛ mu Gikombe cy'Isi wahuzaga ikipe y'igihugu ya Australia na Denmark. Aya makipe yari yarageze muri ⅛ nyuma y'uko Australia yari yarabaye iya mbere mu itsinda B n'amanota 6, Denmark yo iba iya Kabiri mu itsinda D. Abakinny

Ikipe y'Igihugu ya Australia yabonye itike ya ¼ nyuma yo gutsinda ikipe y'igihugu ya Denmark ibitego 2-0 mu mukino wa ⅛ mu Gikombe cy'Isi cy'Abari n'Abategarugori kiri kubera muri Australia na New Zealand.

Kuri uyu wa Mbere Saa Mbiri n'igice z'ijoro muri Leta ya New South Wales muri Australia, bikaba Saa Sita n'igice za Kigali, kuri Sydney Olympic Stadium habereye umukino wa ⅛ mu Gikombe cy'Isi wahuzaga ikipe y'igihugu ya Australia na Denmark.

Aya makipe yari yarageze muri ⅛ nyuma y'uko Australia yari yarabaye iya mbere mu itsinda B n'amanota 6, Denmark yo iba iya Kabiri mu itsinda D.

Abakinnyi babanjemo ku ruhande rwa Australia; Arnold; Carpenter, Hunt, Kennedy, Catley; Raso, Gorry, Cooney-Cross, Foord; Van Egmond na Fowler.

Australia nk'ikipe yari mu rugo, ku munota wa 29, Caitlin Foord yatsinze igitego ahawe umupira na Mary Fowler.

11 babanjemo ku ruhande rwa Denmark: Christensen; Sevecke, Pedersen, Boye, Veje; Hasbo, Holmgaard, Kuhl; Thomsen, Madsen na Harde.

Ikipe y'Igihugu ya Australia yaje kubona igitego cya kabiri gitsinzwe na Hayley Raso ahawe umupira na Van Egmond.

Umukino warangiye ikipe y'igihugu ya Australia itsinze ibitego 2-0 inabona itike ya ¼, aho izacakirana n'izatsinda hagati ya Morocco n'u Bufaransa.

Caitlin Foord yishimira igitego yatsinze.

Abakinnyi bishimira igitego cya Australia.

Abafana bari bitabiriye umukino.

Amakipe yombi afata ifoto y'Urwibutso.

A little more informed. A little more connected.