Women World Cup: U Bwongereza bwandagaje u Bushinwa bubona itike ya ⅛

Ikipe y'Igihugu y'u Bwongereza mu bari n'abategugori yandagaje iy'u Bushinwa iyitsinda ibitego 6-1 mu mukino wa nyuma wo mu itsinda D, biyihesha itike yo kujya muri ⅛ mu Gikombe cy'Isi cy'abari n'abategugori kiri gukinirwa muri Australia na New Zealand ku nshuro yacyo ya 2. Uyu munsi kuwa Kabiri, ku isaha ya Saa Tatu z'ijoro ku isaha ya Adelaide muri Australia, bikaba Saa Saba z'ijoro ku isaha ya Kigali, kuri sitade yitwa Hindmarsh Stadium ihereye muri Leta ya Adelaide muri Australia habereye umukino wo mu itsinda D. Uyu mukino wahuje u Bwongereza n'u Bushinwa, watangiye u Bwongereza butsinda

Uyu munsi kuwa Kabiri, ku isaha ya Saa Tatu z'ijoro ku isaha ya Adelaide muri Australia, bikaba Saa Saba z'ijoro ku isaha ya Kigali, kuri sitade yitwa Hindmarsh Stadium ihereye muri Leta ya Adelaide muri Australia habereye umukino wo mu itsinda D.

Uyu mukino wahuje u Bwongereza n'u Bushinwa, watangiye u Bwongereza butsinda igitego cya Mbere ku munota wa 4 cyatinzwe na Allesia Russo ahawe umupira na Lauren James( Uyu ni mushiki wa Recce James, bombi bakinira ikipe ya Chelsea).

Lauren James wari wisize insenda ku munota wa 26 yongeye guha umupira Lauren Hemp maze atsinda igitego cya kabiri ku ruhande rw'u Bwongereza.

Abakinnyi bishimira igitego cya Russo.

Ku munota wa 41 w'umukino, Lauren James yahawe umupira na Lauren Hemp maze atsinda igitego cya gatatu.

Mbere y'uko igice cya mbere kirangira, ku munota wa 45+5' , Lauren James yatsinze igitego ariko VAR iracyanga.

Igice cya kabiri cyatangiye ikipe y'igihugu y'u Bushinwa ishaka gutsinda igitego cy'impozamarira. Ku munota wa 57, Wang Shuang yatsinze igitego kuri penaliti nyuma y'uko Lucy Bronze yari akoze umupira mu rubuga rw'amahina.

Ku munota wa 65, u Bwongereza batsinze igitego cya kane cyatinzwe na Lauren James ahawe umupira na Carter.

U Bushinwa bwakomeje guhabwa isomo rya ruhago, ku munota wa 77 butsindwa igitego cya gatanu cyatinzwe na Kelly ahawe umupira na Lauren James. Ku munota wa 84, Daly w'u Bwongereza yatsinze igitego cya Gatandatu ku ruhande rw'u Bwongereza.

Ikipe y'igihugu y'u Bwongereza nyuma yo gutsinda ibitego bitandatu kuri kimwe, byayihesheje itike ya ⅛ kuko yazamutse mu itsinda D Ari iya kabiri n'amanota 9, Denmark izamuka ari iya kabiri n'amota 6.